რა სჭირს ალკარასს?! - ესპანელი მაიამის დაემშვიდობა

კვირას, მაიამი გარდენსში გამართული მაიამის ღია პირველობის მესამე რაუნდში, მსოფლიოს პირველმა ჩოგანმა, კარლოს ალკარასმა, მოულოდნელი მარცხი განიცადა რეიტინგის 32-ე ნომერთან, ამერიკელ სებასტიან კორდასთან (6:3, 5:7, 6:4).

კორდამ, რომელსაც ალკარასის წინააღმდეგ 1/4 შედეგი ჰქონდა (ერთადერთი გამრაჯვება 2022 წელს, როცა ალკარასს ჯერ კიდევ არ ჰქონდა დიდი სლემი მოგებული) 12 ეისი შეასრულა ორმაგი შეცდომების გარეშე. მას ალკარასზე მეტი მოგებული ქულაც ჰქონდა (33-30), ამერიკელმა ხუთიდან სამი ბრეიკ-პოინტი გადაარჩინა, ხოლო ალკარასმა ხუთიდან ორჯერ მოახერხა ეს.

კორდას 2 სეტში შეეძლო გამარჯვების მოპოვება, როდესაც მეორე სეტში 5:3 იგებდა, მაგრამ ალკარასმა ზედიზედ ოთხი გეიმი მოიგო, რითაც თამაში მესამე სეტში გადაიყვანა. კორდამ გადამწყვეტი ბრეიკი ბოლო სეტში 3:3-ზე მოიპოვა და მატჩი მომდევნო ორ გეიმში დაასრულა.