ქართველების ბრწყინვალე სტარტი - ბაკში და ფურცელაძე 50-ქულიანი შეჯიბრის 1/8-ფინალში გავიდნენ

ქართველი ჩოგბურთელები - ალექსანდრე ბაკში და საბა ფურცელაძე, ყაზახეთის დედაქალაქ ასტანაში, 50-ქულიანი ჩელენჯერის შეჯიბრში ჩაერთვნენ, სადაც ქართველებმა პირველი ეტაპი წარმატებით დაძლიეს.

26 ალექსანდრე ბაკშიმ, შეჯიბრის პირველ ნომრად განთესილი ლიეტუველი ჩოგბურთელი - რიკარდას ბერანკისი 3-სეტში: 5:7; 6:3; 6:7 დაამარცხა და 1/8-ფინალის საგზური მოიპოვა, სადაც მისი მეტოქე, პოლონელ - პელივოსა და იაპონელ - ვატანაბეს შორის გამარჯვებული იქნება.

რაც შეეხება საბა ფურცელაძეს, 22 წლის ქართველმა ჩოგბურთელმა, შეჯიბრის მე-8 ნომრად განთესილ ჩეხ ჩოგბურთელს - დომინიკ პალანს, 2-სეტში: 4:6; 4:6 აჯობა.

საბა ფურცელაძის მეტოქე, ნეიტრალური დროშის ქვეშ მოასპარეზე - მაქსიმ ჟუკოვსა და ყაზახ - ამირ ომარხანოვს შორის გამარჯვებული იქნება. აღსანიშნავია ის ფაქტი, რომ საბა ფურცელაძემ კარიერაში პირველად შეძლო ჩელენჯერის დონის ტურნირზე გამარჯვების მოპოვება.

ტურნირზე, სადაც ქართველი ჩოგბურთელები იღებენ მონაწილეობას, საპრიზო თანხა 41,000 დოლარია.