ნოვაკ ჯოკოვიჩი სეზონის შემაჯამებელ ტურნირს გამოტოვებს

ნოვაკ ჯოკოვიჩმა 2024 წლის საჩოგბურთო სეზონი ოფიციალურად დაასრულა. სერბი ჩოგბურთელი წლის შემაჯამებელ ტურნირს გამოტოვებს, ამის შესახებ ნოვაკმა თავად გამოაქვეყნა პოსტი ინსტაგრამის 'სთორის' საშუალებით. ჯოკოვიჩი ბოდიშს უხდის გულშემატკივრებს და აღნიშნა, რომ ასეთი გადაწყვეტილების მიღება ტრავმამ აიძულა.

სერბი ჩოგბურთელი არ იყო პარიზის მასტერსზეც. მისი ბოლო შეხვედრა ATP ტურში შანხაის მასტერსის ფინალში შედგა - სექტემბრის ბოლოს. ეს იქნება პირველი შემთხვევა 2017 წლის შემდეგ, როდესაც ჯოკოვიჩი სეზონის შემაჯამებელ ტურნირს დააკლდება. განცხადებაში მან მეტოქეებს წარმატება უსურვა - ისინი ამ შეჯიბრის 7-გზის გამარჯვებულის გარეშე ითამაშებენ.