ჯოკოვიჩს სერბეთში გრანდიოზული დახვედრა მოუწყვეს

37 წლის ნოვაკ ჯოკოვიჩმა ოლიმპიურ თამაშებზე ბრწყინვალედ იასპარეზა და ოქროსმედალოსანი გახდა. როლან გაროსის მთავარ კორტზე გამართულ დრამატულ ფინალში, სერბმა ჩოგბურთელმა კარლოს ალკარასი 2 სეტში, 7:6, 7:6 დაამარცხა.

ლეგენდარულმა სერბმა ჩოგბურთელმა კარიერაში პირველად მოპოვებული ოლიმპიური ოქროს მედალი ემოციურად აღნიშნა, სამშობლოში დაბრუნებულს კი გულშემატკივრებმა გრანდიოზული დახვედრა მოუწყვეს. სერბეთში, ათასობით გულშემატკივარი შეიკრიბა და ჯოკოვიჩსა და ოლიმპიურ ნაკრებს ოვაციებით დახვდა.

შეგახსენებთ, პროფესიონალური კარიერის განმავლობაში, ნოვაკ ჯოკოვიჩმა გრანდ სლემის 24 ტიტული მოიპოვა, 13 შემთხვევაში კი ფინალში დამარცხდა.