ჯოკოვიჩმა როლან გაროსის მატჩი ღამის 3 საათზე მოიგო

საფრანგეთის ღია პირველობის მესამე რაუნდის მატჩში, მოქმედი ჩემპიონი და დიდი სლემის 24-გზის ტიტულის მფლობელი ნოვაკ ჯოკოვიჩი იტალიელ ლორენცო მუსეტის დაუპირისპირდა. შეხვედრა მოულოდნელად 5-სეტიანი აღმოჩნდა და ნოვაკის გამარჯვებით (7-5, 6-7, 2-6, 6-3, 6-0) დასრულდა.

როლან გაროსის ორგანიზატორებმა შეხვედრა შაბათ საღამოს 22:45 წუთზე ჩანიშნეს. მათ 2 დამატებითი მატჩი უნდა ჩაეტარებინათ მთავარ კორტებზე, რადგან ამ კორტებს გადახურვის შესაძლებლობა აქვთ და მათ არ უნდოდათ წინა დღეების ტენდენცია გაგრძელებულიყო და თამაში წვიმას ჩაეშალა. სამაგიეროდ ვერ იწინასწარმეტყველს ის, რომ დაპირისპირება 4 საათსა და 29 წუთს გაგრძელდებოდა. ჯოკოვიჩმა გამარჯვება ღამის 3 საათზე იზეიმა.

ჯოკოვიჩი საფრანგეთის ღია პირველობის მე-4 რაუნდში არგენტინელს, 23-ე ნომრად განთესილ ფრანჩისკო სერუნდოლოს დაუპირისპირდება.