ჯოკოვიჩი: "ინგლისელები ჩოგბურთის ყურებასაც მოასწრებენ და ფეხბურთისაც"

ხვალ, ნოვაკ ჯოკოვიჩი, უიმბლდონის ფინალში, ესპანელ კარლოს ალკარასს დაუპირისპირდება. ეს შეხვედრა წინა წლის გამეორება იქნება, სადაც მაყურებელმა უშეღავათო 5-სეტიანი თრილერი იხილა, რომლის გამარჯვებულიც ალკარასი დარჩა. შეხვედრა ბრიტანეთის დროით 2 საათზე უნდა დაიწყოს, ხოლო ევროპის ჩემპიონატის ფინალი კი 8 საათზე. მართალია ამ 2 სპორტულ მოვლენას შორის განსხვავება 6 საათია, თუმცა წინა წლის გამოცდილებიდან გამომდინარე (სერბისა და ესპანელის ფინალი 5-საათამდე გაგრძელდა), ინგლისელები შფოთავენ, რომ უიმბლდონის ხვალინდელი ფინალი ევროპის ჩემპიონატის ბოლო შეხვედრას არ დაემთხვეს. ნოვაკ ჯოკოვიჩმა ინგლისელების "შიშის" შემსუბუქება სცადა.

ჯოკოვიჩი ხვალ როჯერ ფედერერის რეკორდს შეუტევს, ლეგენდარულ შვეიცარიელს უიმბლდონი 8-ჯერ აქვს მოგებული, ნოვაკს კი 7-ჯერ. ჯოკოვიჩის დამატებითი მოტივაცია ისაა, რომ წინა წლის მწარე მარცხის გამო, მას ალკარასთან რევანში აქვს ასაღები.