შელტონმა ალკარასი დაამარცხა და ამერიკის ღია პირველობის ნახევარფინალშია!

ბენ შელტონმა, კარლოს ალკარასის წინააღმდეგ, ხუთსეტიან დრამაში შთამბეჭდავი გამარჯვება მოიპოვა და აშშ-ის ღია პირველობის ნახევარფინალში გავიდა.

ამერიკელ ბენ შელტონსა და „დიდი სლემის“ 7-გზის ჩემპიონ კარლოს ალკარასს შორის გამართული US Open-ის მეოთხედფინალი, ტურნირის ერთ-ერთი ყველაზე მოსალოდნელი და ცენტრალური დაპირისპირება იყო.

შელტონს ესპანელი არასდროს ჰყავდა დამარცხებული, უმეტესობაც ფავორიტად ალკარასს მიიჩნევდა, თუმცა 23 წლის ამერიკელმა ყველა პროგნოზი გააბათილა.

მატჩი უაღრესად დაძაბული პირველი სეტით დაიწყო, რომლის ბედიც ტაი-ბრეიკზე გადაწყდა - ალკარასმა მინიმალური უპირატესობით (7:5) იმარჯვა და სეტი თავის სასარგებლოდ (7:6) დახურა.

შემდეგი ორი სეტი სრულად შელტონის კარნახით წარიმართა: ახალგაზრდა ამერიკელმა ვარსკვლავმა მეორე პარტია 6:1 გაანადგურა მეტოქე, ხოლო მესამეში 6:3 იმარჯვა.

აშშ-ის ღია პირველობის ორგზის ჩემპიონმა, მეოთხე სეტში მძლავრად უპასუხა და ანალოგიური ანგარიშით (6:1) აღადგინა წონასწორობა. მატჩის კულმინაცია გადამწყვეტ, მეხუთე სეტში დადგა, სადაც ინტრიგა ბოლო წამამდე შენარჩუნდა.

მეხუთე სეტში შელტონმა ალკარასის მოწოდების ბრეიკით აღების სამი შანსი გაანიავა, თუმცა საქმე ტაი-ბრეიკამდე მივიდა. იქ კი ამერიკელის ძლიერმა მოწოდებამ და უბადლო მიღებებმა თავისი გაიტანა - 10:7.

მთელი ტურნირის განმავლობაში, შელტონს აქტიურად გულშემატკივრობს შეყვარებული, დენის როდმანის შვილი და ამაერიკის ქალთა საფეხბურთო ნაკრების წევრი, ტრინიტი როდმანი - მათი ენერგია გულშემტკივრებისთვისაც გადამდებია და შელტონის წინსვლა, საკუთარი გულშემატკივრის თანდასწრებით, კიდევ უფრო ეფექტურად გამოიყურება.

ნახევარფინალში შელტონის მოწინააღმდეგე კიდევ ერთი ამერიკელი, ფრანცის ტიაფო იქნება - ბადის მეორე მხარეს კი ურთიერთობას ზვერევი/ვან დე ზანდშულპი და ხაჩანოვი/ბლოკი არკვევენ.