იანიკ სინერმა Miami Open-ის გამარჯვებით რამდენიმე რეკორდი მოხსნა/გაიმეორა

მაიამის მასტერსის 1000 ქულიანი ტურნირის გამარჯვებული იანიკ სინერი გახდა. იტალიელმა ჩოგბურთელმა 1:14 საათიან დაპირისპირებაში ბულგარელი გრიგორ დიმიტროვი ორ სეტში 2:0 დაამარცხა.

იანიკმა პირველი სეტი 3:6 მოიგო, ხოლო მეორე სეტი უფრო დიდი ანგარიშით, თითქმის, უბრძოლველად 1:6 გაიმარჯვა.

მაიამის მასტერსის მოგების შემდეგ, 22 წლის ჩოგბურთელმა რამდენიმე რეკორდი დაამყარა და გაიმეორა, კერძოდ:

• იანიკ სინერი ამ გამარჯვებით მსოფლიო რეიტინგში დაწინაურდა და მეორე ჩოგანი გახდა, რაც იტალიური ჩოგბურთის ისტორიაში უნიკალური მოვლენაა (პირველად ჰყავთ მეორე ჩოგანი).

• ამ გამარჯვებით იანიკ სინერმა კარიერაში გამომუშავებული თანხით 20 მილიონ დოლარს მიაღწია, რაც ასევე პირველად ხდება იტალიური ჩოგბურთის ისტორიაში.

• სინერი ასევე არის მესამე ჩოგბურთელი, რომელიც 2000-იან წლებში დაიბადა და 20 მილიონ დოლარზე მეტის გამომუშავება შეძლო. აქამდე ეს მხოლოდ კარლოს ალკარასმა და იგა შვიონტეკმა შეძლეს.

შეგახსენებთ, რომ იანიკ სინერი წარმოუდგენელ ფორმაში იმყოფება, მან 2024 წელს 4 თვის განმავლობაში მხოლოდ ერთი მატჩი დათმო ( (ინდიან უელსზე კარლოს ალკარასთან) და 3 ტიტულის მოპოვება შეძლო.

4 თვის განმავლობაში მან სამი ტიტული მოიპოვა, აქედან ერთ-ერთი ავსტრალიის ღია პირველობაა. მაიამის მასტერსის მოსაგებად კი მას შემდეგი ჩოგბურთელების დამარცხება მოუწია: ანდრეა ვავასორი, ტალონ გრიკსპური, კრისტოფერ ოკონელი, ტომას მაჩაკი, დანილ მედვედევი და გრიგორ დიმიტროვი.