ბასილაშვილი მადრიდშია - ნიკა მორიგ ტურნირს იწყებს
2 წლის წინ
ჩოგბურთი
1 წთ
მიუნხენში ტრიუმფის შემდეგ, ნიკოლოზ ბასილაშვილი მადრიდის მასტერსისთვის ემზადება. ქართველი ჩოგბურთელი უკვე ესპანეთის დედაქალაქშია, მისი მეტოქე კი ხვალ, პირველ წრეში, ბენუა პერი (35) იქნება. აღსანიშნავია, რომ 31 წლის ფრანგი საშინელ ფორმაშია - მას ზედიზედ 7 მარცხი აქვს, საერთო ჯამში კი, ბოლო 27 თამაშიდან 24 დათმო და მხოლოდ 3 მოიგო. რაც შეეხება ურთიერთშეხვედრებს, ნიკა პერს 4-ჯერ დაუპირისპირდა, საიდანაც 3 წააგო.
ბენუა პერის ბარიერის დაძლევის შემთხვევაში, ბასილაშვილს სერიოზული მეტოქე ელის. ქართველი ტურნირზე მე-4 ნომრად განთესილ, სტეფანოს ციციპასს დაუპირისპირდება. როგორც იცით, გასულ კვირას ნიკოლოზმა გერმანიაში ტურნირი სეტის წაუგებლად მოიგო. საუკეთესო ქართველმა ჩოგბურთელმა ფინალში იან-ლენარდ შტრუფი 6:4; 7:6 დაამარცხა. დღეს ATP-ის მიერ განახლებული ოფიციალური რეიტინგით, ბასილაშვილი 35-ე პოზიციიდან 31-ე ადგილზე დაწინაურდა.
სხვა სტატიები
