ამერიკის ღია პირველობაზე ალკარასის მეწყვილე ემა რადუკანუ იქნება

მომდევნო დიდი სლემის წყვილთა თანრიგში ვარსკვლავურ დუეტს ვიხილავთ. გასულ კვირას გამოცხადდა, რომ აგვისტოში, აშშ-ის ღია პირველობის განახლებულ შერეულ წყვილთა ტურნირზე, კარლოს ალკარასი და ემა რადუკანუ ერთად ითამაშებენ.

რადუკანუს წყვილში თამაში კარლოსმა შესთავაზა და როგორც შემდეგ აღნიშნა, ემას 'დრო დასჭირდა პასუხის დასაბრუნებლად'. რადუკანუმ ამ თემასთან დაკავშირებით ვრცლად ისაუბრა.

გულშემატკივარი მოუთმენლად ელის, თუ რას შეძლებენ რადუკანუ და ალკარასი ერთად თამაშისას. ალკარასმა ცოტა ხნის წინ 'ქუინსზე' გაიმარჯვა და წაუგებელი მატჩების სერია 17-დე გაზარდა. ამასობაში, 22 წლის ბრიტანელი რადუკანუ, ტრავმების შემდეგ WTA ტურში ბრუნდებ და უიმბლდონზე წარმატებულ გამოსვლას გეგმავს.