ალკარასმა სინერი დაამარცხა და როლან გაროსის ფინალში გავიდა

კარლოს ალკარასმა მსოფლიოს ნომერ პირველი ჩოგბურთელი, იტალიელი იანიკ სინერი როლან გაროსის ნახევარფინალში დაამარცხა და თავის პირველ საფრანგეთის ღია პირველობის ტიტულს მიახლოვდა. ესპანელი სეტებში ორჯერ მარცხდებოდა, თუმცა საკუთარი გამძლეობის წყალობით, 5-სეტიან ბრძოლაში გამარჯვება დაიტოვა (2-6: 6-3: 3-6: 6-4: 6-3).

სინერმა იანვარში ავსტრალიის ღია პირველობა მოიგო და ახლა ზედიზედ მეორე მთავარ ტიტულს უმიზნებდა. ალკარასისთვის კი, გამარჯვების შემთხვევაში, ეს მესამე გრანდ სლემის ჩემპიონობა იქნება. მან უკვე მოიგო 2022 წლის ამერიკის ღია პირველობა და შარშან უიმბლდონის ფინალში ნოვაკ ჯოკოვიჩი დაამარცხა.

კვირას, როლან გაროსის ფინალში, ალკარასი ალექსანდრ ზვერევსა და კასპერ რუდს შორის გამარჯვებულს შეხვდება.