75 კვირიანი დომინაცია დასრულდა - იგა შვიონტეკმა მსოფლიო პირველობა დაკარგა
22 წლის პოლონელმა ჩოგბურთელმა - იგა შვიონტეკმა, 75 წარმატებული კვირის შემდეგ, მსოფლიო პირველობა დაკარგა. განახლებული საჩოგბურთო რეიტინგის გამოქვეყნების შემდეგ, მსოფლიოს პირველი ნომერი, ბელარუსი - არინა საბალენკა იქნება.
იგა შვიონტეკის ქულების დაკარგვა, ამერიკის ღია პირველობაზე 1/8-ფინალში, ლატვიელ - ელენა ოსტაპენკოსთან 1/8-ფინალში მძიმე მარცხმა გამოიწვია.
პოლონელი ჩოგბურთელი დიდი სლემის 1/8-ფინალში დრამატულ 3 სეტიან ბრძოლაში: 6:3; 3:6; 1:6 დამარცხდა და შესაბამისად ტიტულის დაცვა ვერ შეძლო, რის გამოც მსოფლიო რეიტინგში 1760 სარეიტინგო ქულა დააკლდა.
რაც შეეხება არინა საბალენკას, 25 წლის ბელარუსი ჩოგბურთელი ამერიკის ღია პირველობის 1/8-ფინალშია, სადაც მისი მეტოქე, რუსი - დარია კასატკინა იქნება.
ARYNA ON TOP OF THE WORLD! ⭐@SabalenkaA will rise to world No. 1 for the very first time after the #USOpen, replacing Iga Swiatek to become the 29th WTA player to pull off the feat. 👏
— TENNIS (@Tennis) September 4, 2023
Swiatek's incredible first stint will end at 75 successive weeks.https://t.co/v6DJw3a5vi
აღსანიშნავია ის ფაქტი, რომ არინა საბალენკას სახელი და გვარი რეიტინგის სათავეში კარიერაში პირველად დაეწერება და ასევე, იგი მსოფლიო ჩოგბურთში 29-ე ქალი იქნება, რომელიც მსოფლიო რეიტინგს სათავეში ჩაუდგება.
იხილეთ მატჩის მიმოხილვა
სხვა სტატიები
