ვასილ ლობჟანიძე ტულონს დატოვებს

ბორჯღალოსანი ვასილ ლობჟანიძე, მიმდინარე სეზონის დასრულების შემდეგ "ტულონს" დატოვებს და "ოიონას" შეუერთდება. აღნიშნულ ინფორმაციას ავტორიტეტული ფრანგული მედია საშუალება L'equipe ავრცელებს.

მედიაში გავრცელებული ინფორმაციის პარალელურად, პოსტი "ოიონას" twitter-ის გვერდზეც განთავსდა. აღსანიშნავია, რომ "ოიონა" ტოპ 14-ის მიმდინარე სეზონში წარუმატებლად ასპარეზობს და 26 ქულით, სატურნირო ცხრილის ბოლო პოზიციაზე იმყოფება.

შეგახსენებთ, ვასილ ლობჟანიძე "ტულონს" სამედიცინო ჯოკერის სტატუსით შეუერთდა და 7 მატჩში მიიღო მონაწილეობა.