U 18 | საქართველოს ახალგაზრდული ნაკრები ევროპის ჩემპიონატის ფინალში გავიდა

ჩეხეთის დედაქალაქ პრაღაში 18-წლამდელთა შორის რაგბის ევროპის ჩემპიონატი მიმდინარეობს.

დღეს, ტურნირის 1/2-ფინალში, საქართველოს ნაკრები ნიდერლანდებს დაუპირისპირდა და 29:10 იმარჯვა. უმცროსმა ,,ბორჯღალოსნებმა'' დაძაბული პირველი ნახევრის შემდეგ (7:3), მატჩში გარდატეხის შეტანა მაინც შეძლეს.

ევროპის ჩემპიონატის ფინალში საქართველოს მეტოქე პორტუგალია იქნება, რომელმაც ესპანეთი 34:6 დაამარცხა. ფინალური მატჩი 18 ნოემბერსაა ჩანიშნული.

• საქართველოს 18-წლამდელთა ნაკრები ტურნირის 4-გზის ჩემპიონია. ჩვენმა გუნდმა ევროპის ჩემპიონატი ზედიზედ 4-ჯერ მოიგო.