"ტოქსიკური გარემო" - ედი ჯონსი მწვავედ გააკრიტიკეს

2023 წლის რაგბის მსოფლიო თასის C-ჯგუფის პრინციპულ შეხვედრაში, უელსისა და ავსტრალიის დაპირისპირება შედგა. ნიცაში გამართული მატჩი, "დრაკონების" დამაჯერებელი გამარჯვებით, 40:6 დასრულდა. 

უელსთან განცდილი მარცხის შემდეგ, ავსტრალიამ ჯგუფიდან ჩასვლის პრაქტიკულად ყველანაირი შანსი დაკარგა და სრული ფიასკოსგან სასწაული თუ გადაარჩენს. აღსანიშნავია, რომ ავსტრალია ისტორიაში პირველად ვერ შეძლებს ჯგუფური ეტაპის დაძლევას და 1/4-ფინალის საგზურის მოპოვებას.

ჟურნალისტები, ყოფილი მოთამაშეები და ფანები ამ წარუმატებლობას მხოლოდ და მხოლოდ ედი ჯონსს აბრალებენ და გამოცდილ სპეციალისტს მწვავედ აკრიტიკებენ. ერთ-ერთი პირველი ყოფილი ინგლისელი მორაგბე - ენდი გუდია, რომელმაც ედი ჯონსზე არც ისე სასიამოვნოდ ისაუბრა.

სარაგბო მიმომხილველი და პოდკასტერი ბრეტ მაქქეი წარუმატებლობის მთავარ მიზეზად, სელექციის პროცესში დაშვებულ შეცდომებსა და საორგანიზაციო გადაცდომებს ასახელებს, რაც ასევე ედი ჯონსის კისერზეა. 

ედი ჯონსის ავსტრალიას მხსნელად შესაძლოა საქართველო და პორტუგალია მოევლინონ. მფრინავი ფიჯელები ჯერ ბორჯღალოსნებს შემდეგ კი ლობოშს უნდა დაუპირისპირდნენ და აღნიშნულ 2 მატჩში 5 ქულის მოპოვების შემთხვევაში, ავსტრალია ჯგუფიდან გასვლას ვეღარ შეძლებს. იმ შემთხვევაში, თუ ფიჯი 5 ქულის აღებას ვერ შეძლებს ჯერი უკვე ავსტრალიაზე მიდგება, რომელსაც ჯგუფიდან გასასვლელად პორტუგალიასთან ბონუსით გამარჯვება დასჭირდება.