შავმა ლომმა ესპანური იბერიანსი დაამარცხა

რაგბი ევროპის სუპერთასზე "შავმა ლომმა" პირველი საშინაო მატჩში "იბერიანსი" 47:21 დაამარცხა.

ქართულმა ფრენჩაიზმა პირველი ტაიმი 33:14 მოიგო, ხოლო მეორე ტაიმში რიჩარდ კოკერილის გაწვრთნილმა გუნდმა 14:7 გაიმარჯვა. "შავი ლომი" ამ გამარჯვებით ევროპის სუპერთასის ზედიზედ მეოთხედ მოგებასთან ძალიან ახლოსაა, მათი მთავარი კონკურენტი "ლუზიტანუშია", რომელსაც ერთი მარცხი აქვს და ისიც ქართულ ფრენჩაიზთან. ჩემპიონის ვინაობა სწორედ აღნიშნული გუნდის წინააღმდეგ შეხვედრისას გამოვლინდება, როდესაც თბილისში, 12 ოქტომბერს "შავი ლომი" "ლუზიტანუშს" დაუპირისპირდება.