შავი ლომი ჩელენჯ ქაფზე იასპარეზებს

ევროპული პროფესიონალური საკლუბო რაგბის (EPCR) Twitter-ის ოფიციალურ გვერდზე პოსტი განთავსდა, რომლის მიხედვითაც ცნობილი ხდება, რომ “ჩელენჯ ქაფის” 2023/24 წლების სეზონი განახლებული ფორმატით ჩატარდება.

პირველი ქართული ფრენჩაიზი - "შავი ლომი" ევროპის რანგით მეორე სარაგბო საკლუბო ტურნირზე იასპარეზებს. გავრცელებული ინფორმაცია ოფიციალურად უახლოეს დღეებში დადასტურდება და დამატებითი დეტალები გახდება ცნობილი. “ჩელენჯ ქაფის” 2023/24 წლების სეზონში 18 კლუბი მიიღებს მონაწილეობას. სარაგბო კლუბები სამ 6-გუნდიან ჯგუფში გადანაწილდებიან.

ცნობილია, რომ “ჩელენჯ ქაფზე” ყველაზე მეტი (8) წარმომადგენელი გაერთიანებულ სარაგბო ჩემპიონატს (URC) ეყოლება. ტოპ 14 ექვსი კლუბით, ხოლო ინგლისის პრემიერშიპი 2 კლუბით იქნება წარმოდგენილი. ქართველი გულშემატკივრისთვის განსაკუთრებით საინტერესოა ის გარემოება, რომ დარჩენილი 2 კვოტა სპეციალურად მიწვეულ კლუბებს ერგოთ. სწორედ ამ გარემოების შედეგად მივიღეთ ქართული რაგბისთვის ისტორიული შედეგი.

“ჩელენჯ ქაფის” 2023/24 წლების სეზონის წილისყა 21 ივნისს, ლონდონში ჩატარდა და მონაწილე გუნდები ჯგუფებში გადანაწილდნენ. გავრცელებული ინფორმაციით, "შავი ლომი" მიწვეული გუნდი 1-ის სტატუსით, პირველ ჯგუფში იასპარეზებს.

"ჩელენჯ ქაფის" 2023/24 წლების სეზონში მონაწილე სარაგბო კლუბები

“შარქსი”, “ლაიონსი”, “ბენეტონი”, “ედინბურგი”, “ოსპრისი”, “სკარლეტსი”, “დრაგონსი”, “ძებრე”, “კასტრი”, “კლერმონი”, “მონპელიე”, “პო”, “პერპინიანი”, “ოიონა”, “გლოსტერი”, “ნიუკასლი”, მიწვეული გუნდი 1 - ("შავი ლომი"), მიწვეული გუნდი 2.

პირველი ჯგუფი

• მიწვეული გუნდი 1 "შავი ლომი"
• "პო"
• "დრაგონსი"
• "ზებრე"
• "ოიონა"
• "შარქსი"

მეორე ჯგუფი

• "ოსპრისი"
• "პერპინიანი"
• "ნიუკასლი"
• "ლაიონსი"
• "მონპელიე"
• "ბენეტონი"

მესამე ჯგუფი

• "ედინბურგი"
• "კასტრი"
• "კლერმონი"
• "გლოსტერი"
• "სკარლეტსი"
• "მიწვეული გუნდი 2"