სერჯიო პარისე: "უფრთხილდით საქართველოს, ნინიაშვილი უდიდესი ტალანტია"
1 წლის წინ
რაგბი
1 წთ
2023 წლის რაგბის მსოფლიო თასის დაწყებამდე 2 დღით ადრე, ვნებათაღელვა კულმინაციას აღწევს. მთელი მსოფლიოს მასშტაბით პრაქტიკულად ყველა მსოფლიო თასის შესახებ საუბრობს და მონაწილე ქვეყნების შანსებს აფასებს.
გამონაკლისი არც იტალიური რაგბის ლეგენდა სერჯიო პარისეა, რომელიც ერთ-ერთ პოდკასტში კრის რობსოუსა და ჯეიმს ვაილთან ერთად იყო მიწვეული. C-ჯგუფის განხილვისას, პარისემ აღნიშნა, რომ საქართველოს უნდა უფრთხილდნენ, რის შემდეგაც დავით ნინიაშვილზეც გააკეთა კომენტარი.
ფრთხილად იყავით საქართველოსთან, რადგან ის ურთულესი მეტოქეა. ბორჯღალოსნების 15 ნომერი - დავით ნინიაშვილი უნიჭიერესი ტალანტია და უდიდესი სიამოვნება იქნება მისი ხილვა. ნინიაშვილი მსოფლიო თასის X-ფაქტორია. - სერჯიო პარისე.
შეგახსენებთ, საქართველოს მორაგბეთა ეროვნული ნაკრები C-ჯგუფში ავსტრალიის, უელსის, ფიჯისა და პორტუგალიის წინააღმდეგ იასპარეზებს და ზედიზედ მე-6 მსოფლიო თასზე ისტორიული შედეგის დაფიქსირებას შეეცდება.
სხვა სტატიები
