რაგბის სული - ახალ ზელანდიელი ვარსკვლავის ღირსეული საქციელი

2023 წლის რაგბის მსოფლიო თასის ჯგუფური ეტაპის შეხვედრაში, ახალი ზელანდიისა და ნამიბიის დაპირისპირება შედგა. გასაკვირი არაა, რომ მატჩი "ოლ ბლექსის" სრული დომინაციით წარიმართა და საბოლოოდ 71:3 დასრულდა.

ახალი ზელანდიის დამაჯერებელი გამარჯვება ერთმა უსიამოვნო ეპიზოდმა დაჩრდილა. ერთ-ერთ რაქში აქტიურობის დროს, ნამიბიელმა ლე რუ მალანმა ფეხი მოიტეხა და მისი დაუყოვნებლივ საავადმყოფოში გადაყვანა გახდა საჭირო. 

ახალი ზელანდიის მორაგბეთა ეროვნული ნაკრების ერთ-ერთი ლიდერი - ანტონ ლინერტ-ბრაუნი, საავადმყოფოში მივიდა, სადაც დაშავებული ნამიბიელი მორაგბე მოინახულა და გაამხნევა.