ოფიციალურად: საქართველოს ნაკრები ირლანდიას უმასპინძლებს

ირლანდიის რაგბის კავშირმა ოფიციალურად დაადასტურა, რომ მათ ნაკრებსა და საქართველოს შორის 5 ივლისს ტესტ-მატჩი გაიმართება. შეხვედრა თბილისში, მიხეილ მესხის სახელობის სტადიონზეა ჩანიშნული.

გარდა ამისა, ცნობილი ხდება, რომ ,,სამყურები'' ზაფხულში პორტუგალიასაც დაუპირისპირდებიან.

საქართველოს ირლანდიასთან სულ 5-ჯერ უთამაშია და 5-ვე შემთხვევაში გამარჯვება მეტოქეს დარჩა. ნაკრებებს შორის ბოლო მატჩი 2020 წლის ნოემბერში, დუბლინში გაიმართა და ირლანდიელთა გამარჯვებით, ანგარიშით 23:10 დასრულდა.

რაგბის მსოფლიო რეიტინგში საქართველო მე-11 ადგილს იკავებს, ირლანდია კი მესამეა.