ნინიაშვილი ჯგუფური ეტაპის საუკეთესო თხუთმეტეულში მოხვდა

2023 წლის რაგბის მსოფლიო თასის ჯგუფური ეტაპის დასრულების შემდეგ, საერთაშორისო სტატისტიკურმა სააგენტომ საუკეთესო თხუთმეტეული გამოავლინა.

ჯგუფურ ეტაპზე დაფიქსირებული სტატისტიკის მიხედვით, OptaJonny-ს სიმბოლურ გუნდში, 10 ქვეყნის 15 მორაგბე დასახელდა და ქართველი გულშემატკივრისთვის განსაკუთრებით სასიხარულოა ის გარემოება, რომ საუკეთესოთა შორის დავით ნინიაშვილიც მოხვდა.

OptaJonny-ს სიმბოლური გუნდი

ხაზი: 15. დავით ნინიაშვილი, 14. დამიან პენო, 13. გარი რინგროუსი, 12. ბანდი აკი, 11. უილ ჯორდანი, 10. მატიუ ჟალიბერი, 9. სემუელ მარკეში

შერკინება: 1. ანგუს ბელი, 2. პეტო მაუვაკა, 3. ბენ ტამეიფუნა, 4. ტად ბირნი, 5. ტეო მაკფერლენდი, 6, მანუელ არდაო, 7. ნიკოლას მარტინსი, 8. ლორენცო ქანონე.