მსოფლიო ჩემპიონატის წინ უელსს ორი ლეგენდა გამოაკლდა
წელს საფრანგეთი ყველაზე მნიშვნელოვან და პრესტიჟულ სარაგბო ღონისძიებას – მსოფლიო ჩემპიონატს უმასპინძლებს. საუკეთესოს ტიტულის მოსაპოვებლად 20 ნაკრები იბრძოლებს, საიდანაც ერთ-ერთი საქართველოც არის. “ბორჯღალოსნები” ტურნირის პირველ მატჩს 9 სექტემბერს ავსტრალიის წინააღმდეგ გამართავენ. ჩვენს ჯგუფში მათთან ერთად პორტუგალი ფიჯი და უელსიც მოხვდა.
რამდენიმე საათის წინ, ბრიტანულ მედიაში გავრცელდა ინფორმაცია, რომ უელსელებს ორი ძლიერი მოთამაშე გამოაკლდათ. Telegraph-ის თანახმად ალან ვინ ჯონსმა და ჯასტინ ტიპურიკმა კარიერა დაასრულეს. აღსანიშნავია, რომ უელსელთა თავკაცს უორენ გატლენდს ორივე მორაგბე მსოფლიო ჩემპიონატის რაზმში შეყვანილი ჰყავდა.
🏉 Both players were named in Warren Gatland's World Cup training squad at the start of the month https://t.co/OXkk7njnjl
— The Telegraph (@Telegraph) May 19, 2023
აღსანიშნავია, რომ ორივე მოთამაშეს უდიდესი გამოცდილება აქვს. მხოლოდ ალან ვინ ჯონს 170 მატჩი აქვს ჩატარებული ნაკრებში. ტიპურიკი "დრაკონებში" 2011 წლის შემდეგ ირიცხება და გუნდის ერთ-ერთ ლიდერად იქცა. ორივე მორაგბის 6 ერი 4-ჯერ აქვთ მოგებული.
"ბორჯღალოსნები" უელსელებს ჯგუფის ბოლო შეხვედრაში დაუპირისპირდებიან, რომელიც 7 ოქტომბერს 17:00 საათზე არის ჩანიშნული.
სხვა სტატიები
