"მსაჯობა მატჩის შესაბამისი დონის არ ყოფილა" - ანტუან დუპონი

რაგბის მსოფლიო ჩემპიონატზე 1/4-ფინალური სტადია დასრულდა. გულშემატკივარმა არაჩვეულებრივი სანახაობა იხილა. ალბათ, ყველაზე გამორჩეული მოქმედი მსოფლიო ჩემპიონის - სამხრეთ აფრიკისა და მასპინძელი საფრანგეთის დაპირისპირება იყო. ორივე გუნდმა მოედანზე მაქსიმუმი გააკეთა და "სტად დე ფრანსეზე" საოცარი მატჩიც შედგა. "ქურციკებმა" მოწინააღმდეგე 28:29 დაამარცხეს და მსოფლიო ჩემპიონატის 1/2 ფინალში გავიდნენ. ჟაკ ნინაბერის გუნდს ფინალში გასასვლელად ინგლისის დამარცხება მოუწევს.

აღსანიშნავია, რომ მატჩის დასრულების შემდეგ, საფრანგეთის ნაკრების კაპიტანმა ანტუან დუპონმა მსაჯები გააკრიტიკა. მისი თქმით, მსაჯობის დონე 1/4-ფინალურ მატჩს არ შეესაბამებოდა.

1/2-ფინალური წყვილები ასე გამოიყურება: არგენტინა - ახალი ზელანდია; ინგლისი - სამხრეთ აფრიკა. პირველი ნახევარფინალური მატჩი არგენტინასა და ზელანდიას შორის 20 ოქტომბერს გაიმართება. ხოლო. ინგლისისა და სამხრეთ აფრიკის დაპირისპირება 21 ოქტომბერს შედგება. აღსანიშნავია, რომ ორივე შეხვედრა 23:00 საათზე არის ჩანიშნული.