ისტორიული გამარჯვება | ჩილე რაგბის მსოფლიო თასზე ითამაშებს
პლეი-ოფის განმეორებით მატჩში, სამოას დამარცხების (31:12) შემდეგ, ჩილე გახდა 23-ე ქვეყანა, რომელმაც 2027 წლის რაგბის მსოფლიო თასზე თამაშის უფლება მოიპოვა.
ჩილესა და სამოას შორის გამართული პირველი დაპირისპირება ფრედ 32:32 დასრულდა. აღსანიშნავია, რომ სამხრეთ ამერიკელები იმ მატჩშიც დომინირებდნენ, თუმცა 19-ქულიანი უპირატესობა გაანიავეს. ყველაფერი კი საპასუხო მატჩში გადაწყდა სადაც ჩილემ მეტოქე თამაშის ყველა კომპონენტში დაჩაგრა და ისტორიაში მეორედ მოიპოვა მსოფლიო პირველობაზე თამაშის უფლება.
Heading to their second Men’s Rugby World Cup 🇨🇱
— World Rugby (@WorldRugby) September 27, 2025
Chile have booked their ticket to Australia in 2027 after a 31-12 win over Manu Samoa in the second leg of the South America/Pacific play-off
Samoa will now move into the Final Qualification Tournament #RWC2027 pic.twitter.com/aEN6cJT5oO
როგორც აღვნიშნეთ, ჩილე გახდა 23-ე მონაწილე, რომელიც 2027 წლის რაგბის მსოფლიო თასზე ითამაშებს. დარჩენილი 1 საგზურის მფლობელი კი ფინალური საკვალიფიკაციო ტურნირის შემდეგ გაირკვევა, რომელშიც ბრაზილიასა და პარაგვაის შორის გამარჯვებული, ბელგია, ნამიბია და სამოა ითამაშებენ.
2027 წლის რაგბის მსოფლიო თასს 1 ოქტომბრიდან 13 ნოემბრის ჩათვლით ავსტრალია უმასპინლებს. 24 მონაწილე 6 ოთხგუნდიან ჯგუფში გადანაწილდება. პლეი-ოფში ჯგუფების პირველ-მეორე ადგილოსნები და 4 საუკეთესო მესამეადგილოსანი ითამაშებს.
ჯერ-ჯერობით უცნობია, თუ რომელ ჯგუფში ითამაშებს საქართველოს მორაგბეთა ეროვნული ნაკრები, თუმცა რაც შეიძლება იოლ ჯგუფში მოსახვედრად, ბორჯღალოსნებს მსოფლიო რაგბის რეიტინგში საუკეთესო 12-ს შორის ადგილის შენარჩუნება ესაჭიროებათ.
სხვა სტატიები
