ილია სპანდერაშვილი კარიერას Pro D2-ის კლუბში გააგრძელებს
საქართველოს მორაგბეთა ეროვნული ნაკრებისა და "შავი ლომის" მესამეხაზელი - ილია სპანდერაშვილი კარიერას Pro D2-ის კლუბ "ვალენს რომანსში" გააგრძელებს.
ამის შესახებ ინფორმაციას ფრანგული კლუბი სოციალურ ქსელში ავრცელებს.
✍ | 𝐑𝐄𝐂𝐑𝐔𝐓𝐄𝐌𝐄𝐍𝐓 𝟐𝟎𝟐𝟒/𝟐𝟎𝟐𝟓
— VRDR Rugby (@VRDRrugby) May 15, 2024
Chère #TEAMVRDR,
Nous sommes très heureux de vous annoncer l’arrivée d’𝐈𝐥𝐢𝐚 𝐒𝐏𝐀𝐍𝐃𝐄𝐑𝐀𝐒𝐇𝐕𝐈𝐋𝐈 chez les Damiers pour les 2 prochaines saisons !
Bienvenue à toi ! 🏁
ℹ️ Toutes les infos ici : https://t.co/NsGOlBR1Hf pic.twitter.com/esOaGArDr7
ილია სპანდერაშვილი ფრანგულ კლუბში მომავალი 2 სეზონის განმავლობაში ითამაშებს.
"სიძლიერე, ძლევამოსილება და აგრესიულობა ილიას ყველაზე კარგად დამახასიათებელი ტერმინებია.
წმინდა ქართული ტრადიციის თანახმად, ის არის მშვიდი, თავშეკავებული მოთამაშე, რომელიც განსაკუთრებულად გამოხატავს საკუთარ თავს მოედანზე თავისი მუხტითა და ძლიერი შეტევებით.
საქართველოს ეროვნული ნაკრების მორაგბე მზადაა ჩვენი მაისურის ქვეშ მნიშვნელოვანი ნაბიჯი გადადგას. დარწმუნებულები ვართ, რომ მას შეუძლია გახდეს ერთ-ერთი საუკეთესო მოთამაშე Pro D2-ის ჩემპიონატში.
კეთილი იყოს შენი მობრძანება!" - ვკითხულობთ ფრანგული კლუბის განცხადებაში
"ვალენს რომანსი" Pro D2-ის მიმდინარე გათამაშებაში 29 ტურის შემდეგ მე-12 პოზიციას იკავებს. აღსანიშნავია ის ფაქტი, რომ ისინი TOP 14-ში გადმოსასვლელად ვერ იბრძოლებენ, თუმცა არც Pro D2-დან არ დაქვეითდებიან.
სხვა სტატიები
