"ჩვენ უნდა ვითამაშოთ ქართული რაგბი" - ბორჯღალოსნების ახალი მწვრთნელი

საქართველოს მორაგბეთა ეროვნული ნაკრებისა და პირველი პროფესიონალური ქართული ფრენჩაიზის - "შავი ლომის" მთავარ მწვრთნელად, რიჩარდ კოკერილი დაინიშნა. 53 წლის ინგლისელი სპეციალისტის ოფიციალური წარდგენა, დღეს 18 იანვარს მოხდა.

ინგლისელ სპეციალისტს 1-წლიანი კონტრაქტი გაუფორმდა, მომავალში 1+2 წლით გახანგრძლივების პერსპექტივით. მთავარი მწვრთნელის პოსტზე დანიშვნის შემდეგ, რიჩარდ კოკერილმა პირველი კომენტარი გააკეთა და აღნიშნა, რომ ბორჯღალოსნები ქართულ რაგბის ითამაშებენ.

შეგახსენებთ, სამწვრთნელო კარიერის განმავლობაში, კოკერილი ფრანგული "ტულონისა" და "მონპელიეს" მთავარი მწვრთნელის პოსტს იკავებდა, მაგრამ საუკეთესო წლები შოტლანდიური "ედინბურგის" მთავარი მწვრთნელის პოსტზე გაატარა. კოკერილი ინგლისის მორაგბეთა ნაკრების შერკინების მწვრთნელიც გახლდათ.