ბორჯღალოსნები 2025 წელს სამხრეთ აფრიკას ესტუმრებიან

რამდენიმე საათის წინ სამხრეთ აფრიკის ნაკრებმა 2025 წლის ტესტებისთვის საკუთარი მოწინააღმდეგეები დაასახელა. მსოფლიო ჩემპიონები შინ 4 ნაკრებს უმასპინძლებენ და მათ შორის საქართველოც იქნება.

შეგახსენებთ, რომ "ბორჯღალოსნებისთვის" სამხრეთ აფრიკაში ეს პირველი სტუმრობა არ იქნება. 2021 წელს პრეტორიაში "ქურციკებმა" გვაჯობეს და დიდი ანგარიში 40:9 დაგვამარცხეს. რევანშის აღების შანსი 2025 წლის 19 ივლისს მოგვეცემა. როგორც სამხრეთ აფრიკული მხარე იტყობინება, შეხვედრის ადგილი და დრო მალე გახდება ცნობილი.