ალანიასა და შვანგირაძის ლელოები - ორიაკმა გრენობლი დაამარცხა

PRO D2-ის მეხუთე ტურში, ქართველებით დაკომპლექტებული "ორიაკი" "გრენობლს" დაუპირისპირდა და უმძიმეს ბრძოლაში 27:23 გაიმარჯვა. 

"ორიაკმა" პირველი ტაიმი 9:13 დათმო, მეორე ტაიმის სტარტზევე კი ბექა შვანგირაძემ "გრენობლის" ჩათვლის მოედანი აიღო და კლუბი დააწინაურა. 

ბექა შვანგირაძის ლელო

ქართველი მორაგბის ლელოს დადების შემდეგ, "გრენობლი" გააქტიურდა და მალევე ლელოც დაუდეს. სტუმრები 17:23 იგებდნენ, თუმცა მატჩის 59-ე წუთზე ლელოთი თავი მეორე ქართველმა, საქართველოს ნაკრების 9 ნომერმა - მიშიკო ალანიამ გამოიჩინა, რომელიც ამ მატჩში გარდამტეხი იყო და "ორიაკმა" გამარჯვება მოიპოვა (27:23). 

მიშიკო ალანიას ლელო

განვლილი 5 ტურის შემდეგ, "ორიაკი" 10 ქულით მე-10 პოზიციას იკავებს. 

შეგახსენებთ, რომ "ორიაკის" შემადგენლობაში 6 ქართველი ირიცხება: გიორგი ქართველიშვილი, ირაკლი მჭედლიძე, ბასა ხონელიძე, ლუკა ნიორაძე, ბექა შვანგირაძე და მიშიკო ალანია.