6 ერი | შოტლანდია ირლანდიის წინააღმდეგ დაირაზმა

16 მარტს, 20:45 საათზე, "ავივაზე" უდიდესი ალბათობით 6 ერის წლევანდელი გათამაშების გამარჯვებული გამოვლინდება. ირლანდიის მორაგბეთა ნაკრები შოტლანდიის დამარცხების შემთხვევაში, ჩემპიონის ტიტულს მოიპოვებს.

რადიკალურად განსხვავებული მიზნები გააჩნიათ შოტლანდიელებს, რომლებიც ყველაფერს იღონებენ, რომ ირლანდიელთა ტრიუმფალურ სვლას ხელი შეუშალონ. პრინციპული მატჩისთვის, შოტლანდიის მორაგბეთა ნაკრების მთავარმა მწვრთნელმა - გრეგორ თაუნსენდმა, "ნარშავების" შემადგენლობა დაასახელა.