"თუ ვინმე იმსახურებს რემატჩს, ეს ალექსანდრ ვოლკანოვსკია" - ილია თოფურია
3 კვირის წინ
ქართული სპორტი
1 წთ
ილია თოფურიამ საჩემპიონო ქამარი მაქს ჰოლოუეისთან ბრძოლაში დაიცვა. ქართველმა მებრძოლმა მეტოქე მე-3 რაუნდში უმძიმესი დარტყმებით დაანოკაუტა, აღსანიშნავია, რომ მაქს ჰოლოუეი არასდროს არავის გაუთიშავს.
ილია თოფურიამ თავის მხრივ მე-16 ბრძოლა მოიგო, მის ანგარიშზე კი არცერთი მარცხია. მაქს ჰოლოუეის კი 26 მოგება და 8 წაგება გაუხდა.
ბრძოლის შემდეგ ქართველმა მებრძოლმა კომენტარი გააკეთა:
პირველ რიგში მინდა მადლობა გადავუხადო ღმერთს, ყველაფერი მისი გადასაწყვეტია და ყველაფერი რაც ცხოვრებაში მაქვს, მისგანაა ბოძებული. სინამდვილეში არვიცი რა ვთქვა, დაამარცხო ისეთი ლეგენდა როგორიც მაქს ჰოლოუეია რთული დასაჯერებელია. მე მის მთელ კარიერას მივყვებოდი და ის ყოველთვის ჩემი შთაგონების წყარო იყო და ასევე არაჩვეულებრივი მაგალითი იყო ახალი თაობისთვის, რადგან მე ახლა ახალ თაობას წარმოვადგენ იმედი მაქვს თუნდაც იმის მცირედი გავლენა მექნება რაც მაქსს ჩემზე ჰქონდა, უდიდესი პატივისცემა მაქს ჰოლოუეის ჩემგან.
ჩემი გადამწყვეტი დარტყმის მომენტში დავინახე, რომ მაქსმა უკან დაიხია და მე ეს ვიგრძენი, ამას კი მაქსის შემთხვევაში ხშირად ვერ ნახავთ, კუთხიდან ჩემმა ძმამაც მომიწოდა, რომ ზეწოლა გამეგრძელებინა, ასეც მოვიქეცი და საბოლოოდ ნოკაუტით გავიმარჯვე.
თუ ვინმე იმსახურებს რემატჩს, ეს ალექსანდრ ვოლკანოვსკია, მან ტიტული ძალიან ბევრჯერ დაიცვა, თუმცა ახლა ჩხუბი არავისთან მსურს, მინდა რომ ყველას ჩავეხუტო.
მე უმშვენიერესი ოჯახი მყავს, ყველაზე იღბლიანი ადამიანი ვარ მსოფლიოში, ყველაფერი რაც გამაჩნია მათთვისაა, ერთი სული მაქვს როდის აღვნიშნავ ამ გამარჯვებას საკუთარ ოჯახთან ერთად. - ილია თოფურია
.70.webp)
სხვა სტატიები
.32.webp)
