"სლოტის გუნდის მტანჯველად იქცა" - GOAL კვარაცხელიას სტატიას უძღვნის
6 საათის წინ
ქართული სპორტი
1 წთ
მსოფლიოს ერთ-ერთი ყველაზე პოპულარული საფეხბურთო მედია საშუალება goal უეფას ჩემპიონთა ლიგის მეოთხედფინალური ეტაპის საწყისი მატჩის წინ, რომელშიც პსჟ ლივერპულს უნდა შეხვდეს, საქართველოს ნაკრების კაპიტნის, ხვიჩა კვარაცხელიას შესახებ საინტერესო სტატიას აქვეყნებს. სტატიაში საუბარია პსჟ-ს ქართველი ვარსკვლავის ლივერპულში არშემდგარ ტრანსფერზე და მისი დამატების კვლავ არსებულ შანსზე.
"როდესაც ნაპოლი უხალისოდ დათანხმდა კვარაცხელიას წასვლას, ლივერპულმა გადაწყვიტა, რომ არ გაეგზავნა შეთავაზება, რამაც პარი სენ-ჟერმენს გზა გაუხსნა, სკუდეტოს გამარჯვებული 2025 წლის 17 იანვარს 70 მილიონი ევროს სანაცვლოდ დაემატებინა.
ეს ორივე გუნდისთვის დიდი გარდამტეხი მომენტი გამოდგა. კვარაცხელიამ მთავარი როლი ითამაშა ჩემპიონთა ლიგის სადებიუტოდ მოგებაში, დაამარცხა "წითლები" და ახლა მოსალოდნელია, რომ ისინი კვლავ გადალახავენ არნე სლოტის გუნდის დაბრკოლებას რათა შეინარჩუნონ ევროპული ტიტული.
მაშ, რატომ ვერ იმოქმედა ლივერპულმა, როდესაც შანსი ჰქონდა? მერსისაიდელებმა ევროპის საუკეთესო გუნდების უმეტესობაზე ადრე იცოდნენ, რომ კვარაცხელია დიდებისკენ მიდიოდა.
2022 წლის ივლისში ნეაპოლში კვარაცხელია სრულიად უცნობი ჩავიდა. თუმცა, რამდენიმე თვეში, ადგილობრივებმა მას მეტსახელი კვარადონა შეარქვეს, რაც მისი დიეგო მარადონას მსგავსი დრიბლინგის მინიშნებაა და შესაბამისად, ეს უდიდესი კომპლიმენტია ქალაქში, სადაც არგენტინელს დღემდე ადიდებენ.
თუმცა, მიუხედავად იმისა, რომ იტალიური ფეხბურთის გულშემატკივრები სერია A-ს სეზონის საწყისი 5 ტურის განმავლობაში კვარაცხელიას მომაჯადოებელი თამაშით უკვე გაოცებულები იყვნენ, ის ევროპის დანარჩენი ნაწილის ყურადღების ცენტრში მხოლოდ 2022/23 წლების სეზონის ჩემპიონთა ლიგის გახსნით მატჩში იურგენ კლოპის ლივერპულთან ნაპოლის განსაცვიფრებელი (4:1) გამარჯვების დროს მოექცა.
წლების განმავლობაში, შესაძლებელია რამდენიმე ფლანგელმა ტრენტ ალექსანდრ-არნოლდს პრობლემები შეუქმნა, მაგრამ არავის შეუწუხებია ის ისე, როგორც კვარაცხელიას, რომელმაც მარჯვენა მცველს თითქმის სრულად აჯობა და განსაკუთრებით მაშინ დაჩაგრა, როცა მესამე გოლი ჯოვანი სიმეონეს გაატანინა. ალექსანდრ-არნოლდს უბრალოდ არ შეეძლო კვარადონასთან გამკლავება, მაგრამ მეორე მხრივ, არც არავის შეეძლო.
ამ მხრივ, კლოპი მართალი გახლდათ, როდესაც თქვა, რომ ალექსანდრ-არნოლდს იმ ღამეს რეალურად არაფრის გაკეთება არ შეეძლო და აღნიშნა, რომ კვარაცხელიას განეიტრალების ერთადერთი გზა ბურთის 21 წლის ფეხბურთელამდე მიღწევის თავიდან აცილება გახლდათ, რადგან ასეთ შემთხვევაში მისი შეჩერება შეუძლებელი ხდებოდა.
სინამდვილეში, დიდი მნიშვნელობა არ ჰქონდა იმას, თუ რამდენი მეტოქე თამაშობდა კვარაცხელიას პირისპირ, სერია A-ში მისი სადებიუტო სეზონის დარჩენილი ნაწილის განმავლობაში მისი შეკავება შეუძლებლად დარჩა.
მან გოლებისა და საგოლე გადაცემების ორმაგი დუბლი გაიფორმა, რადგან ბრწყინვალედ თანამშრომლობდა ვიქტორ ოსიმენთან და ნაპოლის 1990 წლის შემდეგ სადებიუტოდ სკუდეტო მოაგებინა, რამაც მხოლოდ გაამყარა შედარება მარადონასთან.
ამ ეტაპზე, "პარტენოპეის" პრეზიდენტი აურელიო დე ლაურენტისი ყველაფერს აკეთებდა, რომ "დინამო ბათუმიდან" 10 მილიონ ევროდ შეძენილი ფეხბურთელისთვის ახალი კონტრაქტი გაეფორმებინა, თუმცა, ხანგრძლივი მოლაპარაკებების მიუხედავად, შეთანხმებას ვერ მიაღწიეს, ელოდნენ, რომ 2024 წლის ზაფხულში ის ნაპოლის დატოვებდა.
პსჟ-ს ინტერესი იმ დროს საჯაროდ ცნობილი გახდა, თუმცა მოგვიანებით ჯანლუკა დი მარციომ გაამხილა, რომ ლივერპულმა კვარაცხელიას სანაცვლოდ სატრანსფერო ფანჯრის დასკვნით დღეებში დაახლოებით 100 მილიონი ევროს შეთავაზება გააგზავნა.
კვარაცხელიას მიმართ დიდი ინტერესის მიუხედავად, ნაპოლიმ გაყიდვაზე უარი თქვა, განსაკუთრებით იმიტომ, რომ ახალი მწვრთნელი ანტონიო კონტე სასოწარკვეთილად ცდილობდა გუნდის მის გარშემო აშენებას. თუმცა, კონტემ სეზონის საწყის ნახევარში ამ მიზანს ვერ მიაღწია. ნაპოლი აგრძელებდა ფეხბურთელისთვის 2027 წლამდე გათვლილი კონტრაქტის გახანგრძლივების მცდელობას, მაგრამ კვარაცხელიამ ტრანსფერის მოთხოვნა 2025 წლის ზამთრის სატრანსფერო ფანჯრის გახსნისთანავე წარადგინა.
რა მიზეზითაც უნდა შეეცვალა კვარაცხელიას გუნდი, კონტრაქტის გახანგრძლივების ჩიხში შესვლის შედეგი ის გახლდათ, რომ მსოფლიოში ერთ-ერთი ყველაზე საინტერესო ფლანგის მოთამაშე შემცირებული ანაზღაურებით გახდა ხელმისაწვდომი.
კვარაცხელიას ტრანსფერის მოთხოვნის დროს, ლივერპული პრემიერ ლიგის მეორე ტიტულის მოგების გზაზე იდგა, თუმცა ისინი ფლანგზე კარგად კომპლექტდებოდნენ. მოჰამედ სალაჰი პრემიერ ლიგის ისტორიაში, სავარაუდოდ, საუკეთესო ინდივიდუალურ სეზონს ატარებდა, ხოლო ლუის დიასი და კოდი გაკპო მარცხენა ფლანგზე ბრწყინვალედ თამაშობდნენ.
სულ უფრო და უფრო უძლური "წითლები" ახლა რისკის ქვეშ არიან, რომ კიდევ ერთხელ დამარცხდებიან დიდი ხნის სატრანსფერო სამიზნედ ქცეულ ფეხბურთელთან, რომელიც სლოტის გუნდის ტანჯვად იქცა. სლოტის გაჭირვებული გუნდი მომდევნო კვირის განმავლობაში ორჯერ შეხვდება კვარაცხელიას პსჟ-ს. -
პსჟ-ს მიერ კვარაცხელიას შეძენამ იმ დროს გაკვირვება გამოიწვია, რადგან გუნდს უკვე ჰყავდა უსმან დემბელე, ბრედლი ბარკოლა და დეზირე დუე, თუმცა, მან სინამდვილეში თავსატეხის დაკარგული ნაწილი ამოხსნა.
ლივერპულის გულშემატკივრებს, რა თქმა უნდა, შეუძლიათ იმედი ჰქონდეთ, რომ სატრანსფერო ჭორების ნაწილი გარკვეულწილად სიმართლეს შეესაბამება, რაც იმას ნიშნავს, რომ გუნდს შესაძლოა კიდევ ერთხელ მიეცეს შანსი, გამოასწოროს გასულ წელს კვარაცხელიას ვერ დამატების მცდელობა და რა თქმა უნდა, არავინ იცის, რას გვიმზადებს ზაფხულის სატრანსფერო ფანჯარა. თუმცა, ახლა მათ უბრალოდ მოუწევთ მოემზადონ იმის კიდევ ერთხელ მწარედ დამთრგუნველი დემონსტრაციისთვის, რაც ოთხშაბათს პარკ დე პრენსზე დაიწყება", - წერს GOAL.com.
ხვიჩა კვარაცხელიას ამ სეზონში 19 საგოლე მოქმედება (11 გოლი, 6 საგოლე პასი) აქვს, პსჟ ლიგა 1-ს ლიდერობს, ჩემპიონთა ლიგის მეოთხედფინალში კი გიორგი მამარდაშვილის ლივერპულს უნდა შეხვდეს.
სხვა სტატიები
