შტურმის მწვრთნელი: "ოთარ კიტეიშვილი ვარჯიშობს"

უეფას ევროპა ლიგის ჯგუფური ეტაპის მეხუთე ტურში, გრაცის "შტურმი" პოლონეთის მოქმედ ჩემპიონ "რაკუვს" უმასპინძლებს.

აღნიშნული მატჩის წინ გამართულ პრესკონფერენციაზე, ავსტრიული გუნდის მთავარმა მწვრთნელმა, კრისტოფერ ილცერმა ტრავმირებული ფეხბურთელების, მათ შორის ოთარ კიტეიშვილის შესახებ ისაუბრა.

ავსტრიული მედია აქვე იმასაც დასძენს, რომ დიდი ალბათობით ქართველ ფეხბურთელს პოლონელებთან მატჩში სულ მცირე სათადარიგოთა სკამზე უნდა ველოდოთ.

საქართველოს ნაკრებისა და გრაცის "შტურმის" 27 წლის შემტევ ნახევარმცველს ყველა ტურნირზე ჩატარებულ 16 მატჩში 4 გოლი აქვს გატანილი და 6 საგოლე პასი გაკეთებული.