შოთა არველაძე: "ქართულ ფეხბურთს დიდი მომავალი აქვს, სანამ სალიას მსგავსი ტალანტები გვეყოლებიან"
3 კვირის წინ
ქართული სპორტი
1 წთ
საქართველოს ნაკრების ყველა დროის საუკეთესო ბომბარდირი, შოთა არველაძე, ახალგაზრდა ტალანტის, ვახტანგ სალიას შესახებ საუბრობს. არველაძე სოციალურ ქსელში 17 წლის ქართველი შემტევის "ნიუკასლ იუნაიტედში" ტრანსფერზე წერს.
"კიდევ ერთი ქართველი ტალანტი, ვახტანგ სალია ტრადიციულ ევროპულ გუნდს, "ნიუკასლ იუნაიტედს" შეუერთდება. ვულოცავ "დინამო თბილისს" და "ნიუკასლ იუნაიტედს" ამ ტრანსფერის განხორციელებას. ინგლისურმა გუნდმა დიდი მოთამაშე დაიმატა. დარწმუნებული ვარ, ამას თავად მალე ნახავენ.
ჩემი კარგი მეგობარი, თემურ ქეცბაია ამ გუნდის ისტორიული ფეხბურთელია და იმედი მაქვს, ვახტანგ სალია კიდევ უფრო მეტად დასამახსოვრებელი და წარმატებული იქნება, რაც გუნდს შედეგების მიღწევაში დაეხმარება.
ქართულ ფეხბურთს დიდი მომავალი აქვს, სანამ ასეთი ტალანტები გვეყოლება. დარწმუნებული ვარ, მალე კიდევ ბევრ ნიჭიერ ფეხბურთელს ვიხილავთ ევროპის ტოპ 5 ლიგაში", - წერს შოთა არველაძე.
ვახტანგ სალია "დინამო თბილისის" აკადემიის აღზრდილია და მან უკვე საქართველოს 17, 19 და 21-წლამდელთა ნაკრებებში ითამაშა. ის 2025 წლის ზაფხულამდე "დინამო თბილისში" დარჩება და შემდეგ ინგლისურ გუნდს შეუერთდება.
სხვა სტატიები
