საქართველოს ნაკრების მეტოქე ერთა ლიგის პლეი-ოფში ცნობილია

საქართველოს ნაკრები ერთა ლიგის B დივიზიონში ადგილის შესანარჩუნებლად სომხეთს დაუპირისპირდება.

შვეიცარიის ქალაქ ნიონში, უეფას სათაო ოფისში გამართულ წილისყრაზე, საქართველოს ნაკრების მეტოქე გაირკვა. წილისყრამ 4 სავარაუდო მეტოქიდან (სლოვაკეთი, კოსოვო, ბულგარეთი, სომხეთი) ჩვენს გუნდს სომხეთი არგუნა.

საქართველოს ნაკრები B ლიგაში დასარჩენ პლეი-ოფში მას შემდეგ გავიდა, რაც ჯგუფურ ეტაპზე 7 ქულით მესამე ადგილი დაიკავა.

საწყისი შეხვედრა ერევანში, 20 მარტს, ხოლო საპასუხო 23 რიცხვში საქართველოში გაიმართება.