საქართველოს 21-წლამდელთა ნაკრები ხორვატიას თბილისში უმასპინძლებს

საქართველოს 21-წლამდელთა ნაკრები ევროპის 2025 წლის ჩემპიონატის საკვალიფიკაციო ეტაპის პლეი-ოფის ფინალში, ხორვატ თანატოლებს შეხვდება.

ორმატჩიანი ორთაბრძოლის საწყისი შეხვედრა საქართველოში უნდა გაიმართოს. უკვე გაირკვა მასპინძელი ქალაქი და სტადიონი: საქართველოს 21-წლამდელთა ნაკრები ხორვატიას თბილისში, მიხეილ მესხის სახელობის არენაზე შეხვდება.

რამაზ სვანაძის გაწვრთნილი გუნდი საწყის შეხვედრას 15 ნოემბერს, ხოლო საპასუხოს 19 რიცხვში გამართავს. თბილისური მატჩი 19:00 საათზე დაიწყება.