სანდრო ალთუნაშვილი ავსტრიის ბუნდესლიგის ტურის სიმბოლურ გუნდში მოხვდა

საქართველოს ნაკრების ცენტრალური ნახევარმცველი, სანდრო ალთუნაშვილი ავსტრიის ბუნდესლიგის მესამე ტურის სიმბოლურ გუნდში მოხვდა.

"ვოლფსბერგერის" 26 წლის ქართველმა შუახაზელმა, "აუსტრია ლუცენაუსთან" ჩატარებულ და ფრედ დასრულებულ მატჩში (1:1) 90 წუთის განმავლობაში ითამაშა. მას საკმაოდ დამაჯერებელი და სტაბილური მატჩი ჰქონდა, რაც შეფასებაშიც აისახა. ქართველმა ფეხბურთელმა 7.8 კოეფიციენტი დაიმსახურა, შედეგად კი, მესამე სათამაშო კვირის საუკეთესო თერთმეტეულშიც მოხვდა.

"ვოლფსბერგერს" სამ ჩატარებულ მატჩში 1 მოგება და 2 ფრე, შესაბამისად, 5 ქულა აქვს დაგროვებული და მეხუთე პოზიციას იკავებს. შემდეგ ტურში სანდრო ალთუნაშვილის გუნდი ვენის "აუსტრიას" დაუპირისპირდება - მატჩი 20 ივლისს გაიმართება და თბილისის დროით 19:00 საათზე დაიწყება.