ქართველები სატრანსფერო რადარზე - თურქული გრანდის მწვრთნელი საქართველოს მატჩს დაესწრება

თურქული "ტრაბზონსპორის" მთავარი მწვრთნელი, ლეგენდარული შენოლ გიუნეში საქართველოსა და უკრაინის მატჩს დაესწრება.

თურქულ მედია საშუალებებში გავრცელებული ინფორმაციით, ზამთრის სატრანსფერო ფანჯრის განმავლობაში, "ტრაბზონსპორი" განსაკუთრებულ აქტიურობას გეგმავს - კლუბის რადარზე კი 2 ქართველი და 1 უკრაინელი ფეხბურთელი აღმოჩდნენ.

თურქული წყარო აღნიშნავს, რომ შენოლ გიუნეში ოთარ კიტეიშვილს, ლაშა დვალსა და ნიკოლაი შარაპენკოს დააკვირდება. გიუნეში თვლის, რომ ეს ის ფეხბურთელები არიან, რომელთაც ევროპულ სარბიელზე ვითარების შეცვლა და კლუბის წარმატებაში მნიშვნელოვანი წვლილის შეტანა შეუძლიათ.

შეგახსენებთ, საქართველოსა და უკრაინის მატჩი 16 ნოემბერს, 21:00 საათზე, ბათუმში გაიმართება.