Belive

პარიზის გრანდ სლემზე საქართველოს ნაკრები 12 სპორტსმენით იასპარეზებს

4 თვის წინ ქართული სპორტი
1 წთ

2-4 თებერვალს, საფრანგეთის დედაქალაქი პარიზი, ძიუდოს ერთ-ერთ ყველაზე პრესტიჟულ შეჯიბრს - პარიზის გრანდ სლემს უმასპინძლებს, სადაც საქართველოს ნაკრები 12 სპორტსმენით არის რეგისტრირებული.

აღსანიშნავია ის ფაქტი, რომ 73 კგ წონით კატეგორიაში პარიზის გრანდ სლემზე წარმომადგენელი არ გვეყოლება.

ერთ-ერთ ყველაზე მნიშვნელოვან და პრესტიჟულ შეჯიბრზე, საქართველოს ნაკრების შემადგენლობა შემდეგნაირად გამოიყურება.

შემადგენლობა

60 კგ: ლუხუმ ჩხვიმიანი, გიორგი სარდალაშვილი

66 კგ: თენგო ზირაქაშვილი, ლაშა ნადირაძე

81 კგ: დიმიტრი გოჩილაიძე, ვლადიმირ ახალკაცი

90 კგ: ლაშა ბექაური, გიორგი ჯაბნიაშვილი

100 კგ: ვარლამ ლიპარტელიანი, მიხეილ ჯაფარიძე

+100 კგ: საბა ინანეიშვილი, ირაკლი დემეტრაშვილი.

ჯერჯერობით უცნობია, მიიღებენ თუ არა მონაწილეობას პარიზის გრანდ სლემზე ქართველი ქალი ფალავნები.

შეგახსენებთ, რომ პარიზის გრანდ სლემზე 2023 წელს, საქართველოს ნაკრებმა მამაკაცთა გუნდურ ჩათვლაში, 2 მოპოვებული ოქროსა და 1 ბრინჯაოს მედლით პირველი ადგილი დაიკავა.

2023 წლის პარიზის გრანდ სლემზე ოქროს მედლები: ლაშა შავდათუაშვილმა (73 კგ) და ტატო გრიგალაშვილმა (81 კგ) მოიპოვეს, ხოლო ბრინჯაოს მედალი ლუკა მაისურაძემ (90 კგ) მოიგო.

სხვა სტატიები