ოლივიე ჟირუ: "კვარაცხელია მომწონს, ის პსჟ-ს გააძლიერებს"
3 დღის წინ
ქართული სპორტი
1 წთ
გამოცდილი ფრანგი თავდამსხმელი, ოლივიე ჟირუ საქართველოს ნაკრების ვარსკვლავის, ხვიჩა კვარაცხელიას "ნაპოლიდან" "პსჟ-ში" ტრანსფერის შესახებ საუბრობს და ამბობს, რომ ის ახალი გუნდისთვის ღირებული დანამატია.
"ხვიჩა კვარაცხელია საკმაოდ არაპროგნოზირებადი ფეხბურთელია, მეტოქის პირისპირ თამაშის დროს ძალიან ძლიერია და ასევე თავდაუზოგავი, მომწონს და მგონია რომ "პსჟ-ს" გააძლიერებს", - ამბობს ოლივიე ჟირუ.
ოლივიე ჟირუ ამჟამად MLS-ში, "ლოს ანჯელესში" თამაშობს, გასულ წლებში კი "მილანის" შემადგენლობაში ირიცხებოდა, სადაც "ნაპოლისთან" და ქართველ ვარსკვლავთან შეხვედრა არაერთხელ მოუწია.
უახლესი ინფორმაციების მიხედვით, ხვიჩა კვარაცხელია უკვე საფრანგეთის დედაქალაქში იმყოფება, სამედიცინო შემოწმებას გადის და უახლეს პერიოდში კონტრაქტს გააფორმებს.
სხვა სტატიები
