ოლიმპიადა | რობერტ კობლიაშვილის მეტოქე და სავარაუდო მეტოქეები ცნობილია

ხვალ პარიზის ოლიმპიადაზე -97-კილოგრამ წონით კატეგორიაში ბერძნულ-რომაული სტილით მოჭიდავე, რობერტ კობლიაშვილი იასპარეზებს.

მერვედფინალში ქართველი სპორტსმენის მეტოქე ნეიტრალური დროშის ქვეშ მოასპარეზე, აბუბაქარ ხასლახანაუი იქნება, რომელიც მე-2 ნომრადაა განთესილი.

გამარჯვების შემთხვევაში, კობლიაშვილი 1/4-ფინალში მუჰამედ გაბრს (ეგვიპტე) ან მიხელ ქაჯაიას (სერბეთი) დაუპირისპირდება.

წინასწარი შეხვედრები ხვალ 13:00 საათიდან დაიწყება.

რობერტ კობლიაშვილს ევროპის ჩემპიონატზე სამივე სინჯის მედალი აქვს მოპოვებული, გარდა ამისა, ქართველი მოჭიდავე მსოფლიო ჩემპიონატის ორგზის მესამეადგილოსანია.