ოფიციალურად: ლაშა ოდიშარია ლატვიის ჩემპიონ გუნდში გადავიდა

საქართველოს ახალგაზრდული ნაკრების შემტევი ნახევარმცველი, ლაშა ოდიშარია კარიერას "დინამო თბილისიდან" ლატვიის მოქმედ ჩემპიონ "რიგაში" გააგრძელებს.

21 წლის ფეხბურთელი ლატვიურმა გუნდმა თავისუფალი აგენტის სტატუსით დაიმატა. მან "რიგასთან" 3-წლიანი კონტრაქტი გააფორმა, რომელშიც ერთი წლით გახანგრძლივების პერსპექტივაც არის გათვალისწინებული.

"რიგა" ლატვიის ჩემპიონი ორჯერ, 2021 და 2023 წლებში გახდა, 2022/23 წლების სეზონში კი უეფას ევროპის კონფერენს ლიგის ჯგუფურ ეტაპზე ითამაშა.

ლაშა ოდიშარია "დინამო თბილისში" 2020 წელს "სალხინოდან" გადავიდა და 30 მატჩში 3 გოლის გატანა და 6 საგოლე პასის გაკეთება მოახერხა. საქართველოს ახალგზრდულ ნაკრებში მას ხუთ მატჩში აქვს მონაწილეობა მიღებული.