ოფიციალურად: ივა გელაშვილი კლუჟის ფეხბურთელია

საქართველოს ნაკრების ცენტრალური მცველი, ივა გელაშვილი კარიერას რუმინეთის ერთ-ერთ ყველაზე ტიტულოვან გუნდში, კლუჟში გააგრძელებს.

25 წლის ქართველმა ფეხბურთელმა გუნდთან კონტრაქტი უკვე გააფორმა და რუმინეთის 8-გზის ჩემპიონმა მისი დარეგისტრირება და ტრანსფერის გამოცხადება შეძლო.

ივა გელაშვილს კარიერის განმავლობაში პრაღის სპარტაში, დინამო ბათუმში, ბოლნისის სიონში, იბერია 1999-ში, სპეციასა და პანსერაიკოსში უთამაშია. საქართველოს ნაკრებში ივა გელაშვილს 5 მატჩი აქვს ჩატარებული.