"ლივერპულის, სიტის, რეალისა და ბარსას რადარზე უნდა იყოს" - თურქული ფეხბურთის ლეგენდა დავითაშვილზე

საქართველოს ეროვნული საფეხბურთო ნაკრები მსოფლიო ჩემპიონატის საკვალიფიკაციო ეტაპის პირველ მატჩში, თურქეთს დაუპირისპირდა და 2:3 დამარცხდა.

საქართველოს ნაკრების შემადგენლობაში გოლის გატანა ზურიკო დავითაშვილმა და ხვიჩა კვარაცხელიამ შეძლეს. აღსანიშნავია, რომ დავითაშვილი მოედანზე ორივე გუნდის შემადგენლობაში ერთ-ერთი საუკეთესო იყო.

ზურიკო დავითაშვილის ბრწყინვალე თამაში უყურადღებოდ არ დარჩენია თურქული ფეხბურთის ლეგენდას - ნიჰატ კაჰვეჩიმ ზურიკო დავითაშვილზე საუბრისას აღნიშნა, რომ ის მსოფლიოს წამყვანი კლუბების სატრანსფერო რადარზე უნდა იყოს.

მსოფლიო ჩემპიონატის საკვალიფიკაციო ეტაპის მეორე მატჩს, საქართველოს ნაკრები ბულგარეთის წინააღმდეგ გამართავს.