კიდევ ერთი ბერძნული გრანდი | ზურიკო დავითაშვილის დამატება პანათინაიკოსს სურს
18 საათის წინ
ქართული სპორტი
1 წთ
ბერძნული მედია საშუალება sportime საქართველოს ნაკრების შემტევი ნახევარმცველის, ზურიკო დავითაშვილის შესახებ საუბრობს და ამბობს, რომ მისი დამატებით ამ ქვეყნის ერთ-ერთი მთავარი გრანდი, პანათიანიკოსი ინტერესდება.
"პანათინაიკოსმა სენტ-ეტიენის ფეხბურთელის, ზურიკო დავითაშვილის თაობაზე პირველი კონტაქტები უკვე დაამყარა. მწვანეები ქართველი ფლანგის მოთამაშის იანვრის სატრანსფერო ფანჯარაში შეძენის შესაძლებლობას განიხილავენ. ზურიკო დავითაშვილი ისეთი ფეხბურთელია, რომელიც უკვე გარკვეული პერიოდია ბერძნული გუნდების ყურადღების ცენტრშია, რადგან წარსულში იგი ოლიმპიაკოსსაც უკავშირდებოდა, თუმცა მაშინ გარიგება არ შედგა.
მწვანეებმა შემტევი ფრთების გაძლიერება გადაწყვიტეს, რადგან ფაკუნდო პელისტრის გარშემო განვითარებულმა მოვლენებმა გუნდის შემადგენლობაში ახალი რეალობა შექმნა. ურუგვაელმა ფეხბურთელმა იაკობ ნისტრუპის გეგმებში სტაბილური როლის მოპოვება ვერ შეძლო, რის გამოც მისი გაყიდვის პერსპექტივა სატრანსფერო გეგმებში შევიდა.
ეს ვითარება პანათინაიკოსს აიძულებს, ეძებოს ფეხბურთელი, რომელსაც შეტევაში განსხვავებული ვარიანტების შეთავაზება შეუძლია. საჭიროება ძირითადად ეხება ისეთ ვინგერს, რომელსაც ინდივიდუალური მოქმედებებით სიტუაციების შექმნა, მოწინააღმდეგის კარისთვის საფრთხის შექმნა და თამაშის განვითარებაში არსებითი მონაწილეობა შეუძლია.
ზურიკო დავითაშვილს ზუსტად ის მახასიათებლები აქვს, რასაც გუნდი ეძებს. ქართველს ბურთით მოძრაობის, თავისუფალ სივრცეში შეტევისა და სახიფათო მომენტების შექმნის უნარი შესწევს. მისი ტექნიკური მომზადება და ფრთებზე თამაშის შესაძლებლობა სწორედ ის ელემენტებია, რამაც პანათინაიკოსი მის კანდიდატურაზე დააფიქრა.
საფრანგეთში ფეხბურთელის მდგომარეობასაც მნიშვნელოვანი როლი უკავია. დავითაშვილი სენტ-ეტიენში რჩება, თუმცა საფრანგეთის ჩემპიონატის მეორე დივიზიონში ასპარეზობა მის პირად ამბიციებს არ აკმაყოფილებს. საქართველოს ნაკრების წევრს კვლავ უფრო მაღალ დონეზე თამაში სურს, რაც ზამთრის სატრანსფერო ფანჯრის წინ მოლაპარაკებებისთვის ხელსაყრელ პირობებს ქმნის.
პანათინაიკოსმა მოთამაშე წარსული შეფასებებიდან გამომდინარე უკვე იცის. პირველი კონტაქტები შედგა და მომდევნო ეტაპი ფინანსური მონაცემების, სენტ-ეტიენის მოთხოვნებისა და იმ პირობების შესწავლას ეხება, რამაც შესაძლოა შეთანხმებამდე მიგვიყვანოს.
ეს საქმე დამატებით ინტერესს ოლიმპიაკოსის წარსული ჩართულობის გამო იწვევს. წითელ-თეთრები ქართველის შეძენას განიხილავდნენ და მისი სახელი მათ სატრანსფერო განხილვებში ფიგურირებდა. ახლა კი პანათინაიკოსი ცდილობს გაარკვიოს, არის თუ არა პირობები ხელსაყრელი იმისათვის, რომ საქმე ფინიშამდე მივიდეს.
სხვათა შორის, ეს პირველი შემთხვევა არ არის, როდესაც მწვანეები იმ ფეხბურთელის გადაბირებას ცდილობენ, რომელიც ადრე მათი ერთ-ერთი მთავარი კონკურენტის ინტერესებში შედიოდა", - წერს sportime.
პანათინაიკოსი საბერძნეთის მეორე ყველაზე ტიტულოვანი გუნდია, რომელსაც 20-ჯერ ჩემპიონატი და 20-ჯერ თასი აქვს მოგებული, ამ სეზონში კი 8 ტურის შემდეგ სუპერ ლიგაში ლიდერობენ და კონფერენს ლიგის ლიგის ფაზაზეც გამოდიან.
სხვა სტატიები
