ლევან კორღალიძე: "მთელი საქართველოს სიამაყისთვის ვითამაშებთ"
6 საათის წინ
ქართული სპორტი
1 წთ
იბერია 1999-ს მთავარი მწვრთნელი, ლევან კორღალიძე უეფას კონფერენს ლიგის საწყისი ტურის მატჩში, სენტ-ტრუიდენთან ისტორიული შეხვედრის წინ საუბრობს.
"ფაქტობრივად, ეს იბერიაში ჩემი მესამე სამუშაოა. კლუბის კულტურა კარგად ვიცი, რამაც საშუალება მოგვცა, სწრაფად გვემოქმედა. ჩვენ შიდა ჩემპიონატში ზედიზედ მესამე ტიტულის მოპოვება გვინდა. ჩვენს ლიგაში ყველაფერი ძალიან კომპაქტურია, ამიტომ გასაკეთებელი საქმეც ბევრია. თუმცა, გვსურს, რომ ევროპაშიც ზუსტად ისევე დავამტკიცოთ ჩვენი თავი.
ჩვენ მთელი საქართველოს სიამაყისთვის ვთამაშობთ. ყველგან მესმის, რომ ფავორიტი სენტ-ტრუიდენია, მიუხედავად ამისა, ყველას ესმის, რომ ეს კლუბის პროფესიონალიზაციის შემდეგ ისტორიული მომენტია. ამიტომ, ყველაფერი შესაძლებელია.
ანდრია ბართიშვილმა გუნდთან ერთად ვარჯიში ერთი კვირის წინ განაახლა. მხოლოდ ხუთშაბათს გადავწყვიტავთ, ვათამაშებთ თუ არა მას", - ამბობს ლევან კორღალიძე.
იბერია 1999 ევროპული ტურნირის ფინალურ ეტაპზე სადებიუტო შეხვედრას 15 ოქტომბერს ბელგიაში, სტუმრად გამართავს. მატჩი თბილისის დროით 23:00 საათზე დაიწყება.
სხვა სტატიები
