ხვიჩა კვარაცხელიას გოლი სერია A-ში მაისის თვის საუკეთესოდ დასახელდა

საქართველოს ნაკრებისა და "ნაპოლის" ვარსკვლავმა, ხვიჩა კვარაცხელიამ მორიგი აღიარება მოიპოვა. ქართველი ფეხბურთელის მიერ იტალიის სერია A-ს 37-ე ტურში, "ფიორენტინას" კარში გატანილი გოლი მაისის თვის საუკეთესოდ დასახელდა.

აღნიშნული გოლი გულშემატკივრის რჩეული გახდა და 23 წლის ქართველმა ფეხბურთელმა აღიარება გამოკითხვაში გამარჯვების შედეგად მოიპოვა.

2023/24 წლების სეზონში, ხვიჩა კვარაცხელიამ იტალიის სერია A-ში 11 გოლი გაიტანა, 6 საგოლე პასი გააკეთა და 2-ჯერ პენალტის მოპოვება მოახერხა.