ხვიჩა კვარაცხელია: "ძალიან მოტივირებულები ვართ, ნებისმიერ მეტოქესთან გამარჯვება შეგვიძლია"

საქართველოს ნაკრების კაპიტანი, ხვიჩა კვარაცხელია უეფას ჩემპიონთა ლიგის ნახევარფინალში მიუნხენის ბაიერნთან შეხვედრის წინ პსჟ-ს მიერ გამართულ პრესკონფერენციაზე მედიის წინაშე წარსდგა. ქართველმა ვარსკვლავმა სეზონის უმნიშვნელოვანესი შეხვედრის წინ, თქვა, რომ მის გუნდს ნებისმიერი მეტოქის დამარცხება შეუძლია.

ხვიჩა კვარაცხელიას ბრწყინვალე სეზონი აქვს. პსჟ-ს შემადგენლობაში მას ამ სეზონში 15 გოლი აქვს გატანილი და 9 საგოლე პასი გაკეთებული. პსჟ ლიგა 1-ს ლიდერობს, უეფას ჩემპიონთა ლიგაზე კი ნახევარფინალშია გასული და მიუნხენის ბაიერნთან ორმატჩიანი დუელი ელოდება.

ხვიჩა კვარაცხელიას გუნდი ბაიერნთან საწყის მატჩს 28 აპრილს გამართავს. შეხვედრა თბილისის დროით 23:00 საათზე დაიწყება.