გოლი და საგოლე პასი - ზურიკო დავითაშვილის მორიგი ბრწყინვალე მატჩი

სენტ-ეტიენი საფრანგეთის ლიგა 2-ის 28-ე ტურში ანესის დაუპირისპირდა. მატჩი მასპინძლების დამაჯერებელი გამარჯვებით, 4:0 დასრულდა.

ზურიკო დავითაშვილმა შეხვედრა ძირითად შემადგენლობაში დაიწყო და თანაგუნდელი ჯერ საგოლე გადაცემით მოამარაგა, შემდეგ კი მეტოქის კარი თავად აიღო.

ქართველი შემტევი მოედანზე ერთ-ერთი საუკეთესო იყო და მისი თამაში სტატისტიკის მწარმოებელმა პლატფორმებმა შემდეგნაირად შეაფასეს.

• Flashscore: 7.6

• Sofascore: 8.2

ზურიკო დავითაშვილმა საფრანგეთის ლიგა 2-ის მიმდინარე სეზონში უკვე 12 გოლი გაიტანა და 4 საგოლე გადაცემა შეასრულა, რაც სენტ-ეტიენის მოთამაშეებს შორის საუკეთესო შედეგია.

სენტ-ეტიენი 28 ტურის შემდეგ 53 ქულით მეორე ადგილზეა და ლიგა 1-ში დაბრუნებისთვის იბრძვის.