გოლი და პირველი ქულა ლიგა 1-ში - იხილეთ გიორგი მიქაუტაძის შეფასება
საფრანგეთის ლიგა 1-ის მეორე ტურში, გიორგი მიქაუტაძის "მეცი", შინ "მარსელს" დაუპირისპირდა და ქულა მოიპოვა.
აღსანიშნავია, რომ ქართველი ფორვარდის კლუბი 59-ე წუთიდან კაცნაკლული თამაშობდა - მატჩის მთავარმა არბიტრმა, ბრისარმა მოედნიდან აბაბაკარ მუსტაფა ლო გააძევა. ამ დროისთვის "მეცი" 0:1 მარცხდებოდა, თუმცა 6-წუთიან მონაკვეთში ჯერ ჩეიხ საბალიმ, შემდეგ კი გიორგი მიქაუტაძემ 2 გოლი გაიტანეს და საკუთარი კლუბი დააწინაურეს. გიორგიმ კუთხურიდან ჩამოწოდებული ბურთი მკერდზე მიიღო და დაახლოებით 12-13 მეტრიდან კარში გადაგზავნა.ამის შემდეგ ვიტინიამ ანგარიში გაათანაბრა. მიქაუტაძე კი 84-ე წუთზე შეცვალეს, მატჩი კი 2:2 დასრულდა და "მეცმა" პირველი ქულა მოიპოვა.
#FCMOM [ ℙ𝕣𝕠 ]
— FC Metz ☨ (@FCMetz) August 18, 2023
𝙌𝙪𝙚𝙡 𝙢𝙖𝙩𝙘𝙝 ! 🤯
🤝 À dix contre onze, et après avoir mené au score, les Grenats partagent les points du match nul face à l’OM.
🎥 Les meilleurs moments du match à revivre 𝙜𝙧𝙖𝙩𝙪𝙞𝙩𝙚𝙢𝙚𝙣𝙩 sur @FreeLigue1 ➡️ https://t.co/cVVjIlZzr8
2⃣ - 2⃣ pic.twitter.com/kgewk9nahI
სტატისტიკური მონაცემების პოპულარულმა საიტმა, whoscored.com-მა მიქაუტაძის თამაში 7.9 კოეფიციენტად შეაფასა, რაც ორივე გუნდის შემადგენლობაში საუკეთესო იყო. გიორგიმ 5-ჯერ დაარტყა, აქედან სამჯერ კარში, 1 დარტყმა დაიბლოკა, ხოლო ერთიც არაზუსტი იყო.
ორი ტურის შემდეგ საქართველოს ნაკრების ფორვარდის აქტივში თითო გოლი და ასისტია, მომდევნო მატჩს ლასლო ბოლონის შეგირდები 27 აგვისტოს, სტუმრად, "კლერმონის" წინააღმდეგ გამართავენ.
სხვა სტატიები
.32.webp)
