"გოლამდე დონარუმას შევხედე და ის ოდნავ მარჯვნივ გადავიდა..." - ზურიკო დავითაშვილი
საფრანგეთის ლიგა 1-ის მე-17 ტურში "სენტ-ეტიენი" "პსჟ"-ს ესტუმრა, სადაც ქართველი ფეხბურთელის გუნდი მინიმალური სხვაობით 2:1 დამარცხდა.
ეს მატჩი ქართველი გულშემატკივრებისთვის ერთ-ერთი გამორჩეული იყო, რადგან ზურიკო დავითაშვილმა 64-ე წუთზე შესანიშნავი გოლი გაიტანა და პარიზულ გუნდთან სხვაობის შემცირება მხოლოდ მან მოახერხა, საბოლოოდ კი, ერთ-ერთი საუკეთესო შეფასებაც დაიმსახურა.
მატჩის შემდეგ, ქართველმა ფეხბურთელმა მედიასთან კომენტარი გააკეთა:
შენი აჩქარება გოლის ეპიზოდში საოცარი იყო...
დიახ, კარგი იყო. საჯარიმო დარტყმა გამომივიდა ისეთი როგორიც ყველამ ვიხილეთ. გოლამდე დონარუმას შევხედე და ის ოდნავ მარჯვნივ გადავიდა, მაგრამ არ ვიცი რატომ, მან კუთხე გახსნა, ავირჩიე სწორედ ეს კუთხე დავურტყი და გავუტანე. ეს საოცარი მომენტი იყო. რა თქმა უნდა ყოველთვის მეტის გაკეთება მინდა, რადგან დღევანდელ შეხვედრაში იყო ბევრი ისეთი სიტუაცია, როდესაც ერთი ერთზე გავედი, ასევე ორი ერთის წინააღმდეგ, მაგრამ ეს მომენტები ვერ გამოვიყენეთ, ეს კომპონენტი აუცილებლად უნდა გავაუმჯობესოთ. - ზურიკო დავითაშვილი - "სენტ-ეტიენის" ფეხბურთელი
როგორ ფიქრობთ, ეს თამაში ლიგა 1-ში დარჩენის მოტივაციისთვის დაგეხმარებათ?
დიახ, რა თქმა უნდა, ეს დაგვეხმარა და დაგვეხმარება მომდევნო თამაშებშიც, რადგან მეტი თავდაჯერება უნდა გვქონდეს. როდესაც "პსჟ"-ს მსგავს, დიდ გუნდებს ეთამაშები, უნდა იყო აგრესიული და სულ უნდა ცდილობდე პრესინგზე გადასვლას, ამის შემდეგ კი შენ უკვე გოლის გატანის შესაძლებლობა გეძლევა. ეს დიდი გამოცდილება იქნება ჩვენთვის და ამას შემდეგი თამაშებისთვის გამოვიყენებთ, ვეცდებით უფრო თავდაჯერებულები ვიყოთ და ვნახავთ რა მოხდება. - ზურიკო დავითაშვილი - "სენტ-ეტიენის" ფეხბურთელი
🎙️ Zuriko Davitashvili évoque son coup franc direct face au PSG et l’importance de ce match pour donner de la « confiance » à son équipe de @ASSEofficiel pour le maintien il l’espère en Ligue 1 ! 🟢⚪️ #PSGASSE pic.twitter.com/rEl2kkVOLk
— Dounia Mesli (@Mesli_Dounia) January 13, 2025
საფრანგეთის ლიგა 1-ში "სენტ-ეტიენი" 16 ქულით მე-16 ადგილზეა (5 მოგება, 1 ფრე, 11 მარცხი), მომდევნო შეხვედრას ქართველი ფეხბურთელის გუნდი 19 იანვარს, 18:00 საათზე "ნანტის" წინააღმდეგ ჩაატარებს.
ზურიკო დავითაშვილს მიმდინარე სეზონში 6 გოლი და 2 საგოლე გადაცემა აქვს.
.70.webp)
სხვა სტატიები
.32.webp)
